100% ස්වභාවික Coco-maze පොල් තෙල් නිෂ්පාදනය සඳහා යොදා ගන්නේ අපේම පොල් වතු වලින් නෙලා ගන්නා නැවුම් පොල් පමණි. එමෙන්ම Coco-maze පොල් තෙල් නිෂ්පාදනය වන්නේ දැනට පොල් තෙල් නිෂ්පාදනය සඳහා ලෝකයේ භාවිතා කරන නවීනතම Expeller-Press ක්‍රමය භාවිතයෙනි. 

මෙහිදී, මුලින්ම පොල් ගෙඩියේ කට්ට ඉවත්කර පිරිසුදු ජලය යොදා පිරිසිඳු කරගනු ලැබේ. ඉන්පසු දෙපලු කර ගන්නා පොල් මදය වතුර ඉවත් කර නැවතත් පිරිසිදු කර ගෙන, යන්ත්‍ර අනුසාරයෙන් කුඩා කැබලි වලට කපාගනු ලැබේ.

තෙල් නිෂ්පාදනය ට ප්‍රථම මෙම කුඩා පොල් කැබලි, 80 C අඩු උෂ්ණත්වයක් සහිත වාෂ්ප Dryer යන්ත්‍රයක් මගින් වියලා ගැනීම සහ අනතුරුව සිසිල් කර ගැනීම සිදු කරයි.

මෙසේ සිසිල් කරගත් කුඩා පොල් කැබලි, Expeller යන්ත්‍ර මගින් අඹරා ගැනීමේන් පරිසිදු පොල් තෙල් ලබා ගනී. 

ඇසුරුම්කරණයට ප්‍රථම, කිසිම රසායනික භාවිතයකින් තොර කපු රෙදි යොදාගත් පෙරහන් යන්ත්‍රයක් මගින් දෙවතාවක් පෙරහන් කර ගන්නා 100% ස්වභාවික Coco-maze පොල් තෙල් ඇසුරුම් කිරීමෙන් පසු වෙළඳ පලට නිකුත් කරනු ලැබෙයි.

මෙහි විශේෂත්වය වන්නේ, පොල් ගෙඩිය කටු ඉවත් කරන වෙලාවේ පටන් තෙල් නිෂ්පාදනය දක්වා ක්‍රියාවලිය නොනැවතී දිනකට අඩු කාලයක් තුල අවසන් කිරීමයි. මෙම cold-press ක්‍රමය භාවිතයේදී, සාම්ප්‍රදායික ක්‍රමයේ දී මෙන් කොප්පරා  භාවිතයක් සිදු නොවේ.

එමන්ම නිෂ්පාදනයේදී භාවිතා කරන සියලුම යන්ත්‍ර සුත්‍ර ආහාර නිෂ්පාදනය සඳහා ප්‍රමිතිගත සුදු යකඩ ලෝහයෙන් නිපදවා ඇත.

වර්ජින් පොල් තෙල් සහ 100% ස්වභාවික සුදු පොල් තෙල් අතර එකම වෙනස වන්නේ, වර්ජින් පොල් තෙල් නිෂ්පාදනයේදී පොල් ගෙඩියේ දුබුරු පැහැති කුරුට්ට ඉවත් කිරීම සහ සුදු පොල් තෙල් සඳහා එම කුරුට්ට ඉවත් නොකිරීමයි. 

ලෝකයේ බොහෝ රටවල අද වන විට සිය පර්යේෂණ මගින් සොයාගෙන ඇති පරිදි  මව් කිරි වල ඇති ලොරික් අම්ලය සහ වීසබිජ නැසීමේ ප්‍රති-ඔක්සිකාරක ගුණය පොල් මදයේ පවතී. එනිසා බෝ නොවන රෝග වැළැක්වීමේ ප්‍රති-ඔක්සිකාරක ගුණය පොල් තෙල් වල ඇත. මෙම ප්‍රති-ඔක්සිකාරක ගුණය වැඩි වශයෙන් ඇත්තේ පොල් ගෙඩියේ දුබුරු පැහැය සහිත කුරුට්ටේ වීම විශේෂයි.